يجري لما يسمع جرس الباب
يفتح يلاقي المكوجي
يفتح يلاقي وصل النور
يفتح يلاقي شوية برد
...ويفتح وما يلاقيش حد !!
يرجع يدور فــ الدفاتر القديمه
والبوم الصور
ويقرا للمرة الألف نفس الجواب
الله يكون فـ عون الي مفيش معاه غير شوية عناوين
وارقام تليفونات
مايعرفش اصحابها مين
وغنوه قديمة
ووردة دبلت في قلب الكتاب
ياه
معقول يجي يوم يا قلبي ونتسول شوية ونس
معقول ليالي البوح يصيبها الخرس
ياترى شكلهم ايه يا قلبي اليومين الجايين
وياترى هتميل على مين لما تحب ترتاح
اياك تبطل تحب
و اوعى فــ يوم تنتظر الي راح ومش راجع
جرس الباب